De modernen technischen Entwicklungen in düsse Tieden brängt för de plattdütske Spraoke Chancen, de sick viellicht loahnt, antokieken. De Künstliche Intelligenz maogt dat möglich, Texte up Plattdütsk schräiben to laoten, wo de KI sümmes den Inhalt van de Texte tohaupe söcht ut annere Texte, de se digital finnen kann. De Texte bünt nich immer ganz akroat. Dat is faken so, dat de vertellten Fakten nich to 100% korrekt bünt. Un wat dat Plattdütske angeiht, dat för de Texte bruukt ward, wees een uk nich immer, of dat nich doch eher een Mengsel ut Plattdütsk un Hochdütsk is un wecker Plattdütsk de KI bruken dait, Nordnedderdütsk of Westfäölsk of wat anneres of alles döreenanner. Een mott de plattdütsken KI-Geschichten daorüm met een bitken Vörsicht bekieken.
In düsse Utgave van de Nettelkönning häbbt wi eenmaol utprobeert, wo ChatGPT werkt. Wi hebbt em de Upgave gääven, wat över ostfreeske und nordfreeske Inseln to vertellen. Dat häff he uck doon, as Se in de folgende Bidräge seihn könnt:
Ümtoern van de Insel Borkum
Sylt
Helgoland
Ümtoern van de Insel Norderney
Fooocus AI häff Biller bistüert. Een kann uck hier nich to 100% seeker seggen, dat der Ergebnisse jümmers akraot bünt.
De KI is uck een Werktüch üm ganz praktiske Saaken antokieken, to’n Bispiel Rezepte for een Appelkoken. Dat häbt wi uck eenmaol utprobeert:
Besünners spannend is de Chance, met KI Literatur up Platt schräiwen to laten. ChatGPT weet wall, wo een Sonett of een Limerick upbaut bünt, un kann Gedichte in düsse Formen feddig maaken, so een sächt, waaröver dat Gedicht hanneln schall. De folgende twäi Bispäile häfft Mönster un dat Mönsterland as ehrn Inhalt.
Sonett (In’t Mönsterland)
Limerick (In Mönster, der lebt en Fro)
Düsse Utgave van de Nettelkönnig is een Versöik, plattdütske Texte up eene näie Wiese to generieren. För us wär dat spannend to lüstern, wat de Lesers doaöver denkt. Daorüm wär dat moi, wann Se us Kommentare toschicken dait un vertellt, wat Se över KI un över de Chancen denkt, de KI für das Plattdütske bieten dait.
Wi wünscht vääl Pläsier bi’t läsen!
Düsse Bidrag is schräwen in Emslänner Platt.
